CAPREAE

CAPREAE

insula regni Neapolitani ultra Surrentum Campaniae urbem circiter 8. mill. pass. nobilis coturnicum incredibili multitudine, quae ex Italia volantes illic bis in anno capiuntur. Ovid. l. 15. Met. v. 709.

Inde legit Capreas, promontoriumque Minervae.

Ptolemaeo autem singulari numerô Καπρέα, Reliquis Graecis Καπρίαι, et Καπρία. Hodieque vulgo Capri. De situ Dio, l. 52. Κειται δ᾿ οὐ πόῤῥω τῆς κατα Σύῤῥεντον ἠπείρου. Χρηςτὸν μεν` οὐδὲν, ὄνομα δὲ νȏν ἔτι διὰ την` Τιβερίου ενοίκησιν ἔχουσα. Contra snae tradit Statius, l. 3. Sylv. carm. 1. v. 128.

------ Dites Capreae, viridesque resultant

Taurubulae.

Sueton. in Tiber. c. 40. Peragratâ Campaniâ, Capreas se comulit, praecipue delectatus insulâ, quod uno parvôque litore adiretur, septa undique praeruptis immensae altitudinis rupibus, et profundô maris Plin. l. 3. c. 6. A Surrento 8. milibus passuum distantes Tiberii Principis arce nobiles Caprae circuitu 40. milia passuum. Vel potius secessu eius infames. Vide Sueton. Iuvenal. Sat. 10. v. 92.

------ Tutor haberi

Principis, angustâ Caprearum in rupe sedentis

Cum grege Chaldaeo. ----- ------

Pharus etiam fuit in hac insula. Sueton. in Tiber c. 74. Et ante paucos, quam obiret, dies, turris Phari terrae motu Capreis concidit. Instauratam rursus fuisse aparet ex Statio, Syl. l. 3. Carm. 5. v. 100.

Teleboumque domos, trepidis ubi dulcia nautis

Aemula noctivagae tollit Pharus aemula Lunae.

Teleboas autem Capreas insulam habitâsse testatur Virg. Aen. l. 7. v. 733.

Nec tu carminibus nostris indictus abibis

Oebale, quem generâsse Telon Sebetide nympha

Fertur, teleboum Capreas cum regna teneret

Iam senior. ------ ------

Hinc Telonis insula, Silio, l. 8. v. 541.

Non Prochyte, non ardentem sortita Typhoea

Inarime, non antiqui saxosa Telonis

Insula.

Nic. Lloydius. Est in mari Tytrheno, 3. milliar. a Minervae promontor. 24. a Neapoli cum Civitate parva. Baudrand.